Општина Кавадарци во рамките на програмата за комунална изградба реализираше уште еден проект.

Деновиве оперативата на фирмата „Градба промет“ од Кавадарци заврши со оформување и поплочување на нов тротоар на делница од ул.Владимир Назор. Изградбата на овој тротоар е дел од проект на општината со кој преку програмата за комунална изградба е предвидено поплочување на повеќе локации во градот. Проектот е на барање на жителите од населбата кои сега ќе имаат побезбеден пристап и комуникација до своите домови.